Unusual Patient – Sinhala
අමුතුආතුරයා
24 පෙබරවාරි 1988
දිනක් මම පොලොන්නරුව පශු වෛද්‍ය සායනය පසුකර යන අවස්ථාවක, ඒ අසල සෙනග එකතුවී සිටිනු දැක, වාහනය නවතා ඒ කුමක්දැයි විමසා බැලුවෙමි. රෝගීවූ කුඩා අලි පැටවකු ප්‍රතිකාර සදහා ගෙනැවිත් ඇති බව මට දැනගන්නට ලැබුනි. මෙම අලි පැටවාගේ මවමින්නේරියේ දී දුම්රියක හැපී මියගොස් ඇත.
පසුව අල්ලා ගනු ලැබූ මෙම අලි පැටවා ගේ පෙකනිය පැසවා සැරව පිරී තිබූ අතර එම තුවාලයේ පනුවන් ද දක්නට ලැබුනි. ඉතාම බරපතල රෝගී තත්වයක සිටි මෙම පැටවාට ඉක්මනින් ශල්‍ය කර්මයක් සිදුකර තුවාල වලට ප්‍රතිකාර කල යුතු විය. එසේ නොකළහොත් පැටවා මියයාමට පවා ඉඩ තිබුනි.
ඒ වන විට එහි පශු ශල්‍ය වෛද්‍යවරයෙක් නොසිටි බැවින්, අලි පැටවාට ප්‍රතිකාර කිරීමට මම ඉදිරිපත් වුනෙමි.
අලි පැටවා රෝහලට ගෙන්වාගෙන, රෝහලට පිටින් තිබූ පටු ආලින්දයක දී අලි පැටවා ගේ සැත්කම සිදු කලෙමි. උදව් කිරීමට බොහෝ දෙනෙක් ඉදිරිපත් වූ අතර ශල්‍යකර්මය සිදුකරන තෙක් අලි පැටවා අල්ලාගෙන සිටියේ ඔවුන් විසිනි.
ප්‍රතිජීවක ඖෂධ එන්නත් කිරීම මෙන්ම සේලයින් දීම ආදී ප්‍රතිකාර වලින් අලි පැටවා සුවය ලැබීය. සුවපත් වූ අලි පටවා දෙහිවල සත්ව උද්‍යානය වෙත යැවීමට කටයුතු කරනු ලැබීය.
එසේ සත්ව උද්‍යානය වෙත ගෙන යන අතරතුර මාගේ නිවසට පැමිණ ස්තුති කිරීමට ද අමතක නොකලාය.
Recent Posts
- The siege of the Jaffna Fort in 1990 and the story of an injured Policeman!
- Pictorial reminiscences from Gamini’s album!
- The Extra Mile: Post – Book Launch Review by Desamanya M D D Pieris
- The Extra Mile Book Launch: Speech by Dr Anula Wijesundere
- The Extra Mile Book Launch: Speech by Mr Somasundaram Skandakumar
English
Chinese (Simplified)
French
Russian
Sinhala
Tamil
One thought on “Unusual Patient – Sinhala”
A great job done.Elephants have a good memory they say. Perhaps it will lie down and salute you if you meet him now.